შემოსავლების სამსახურის თანამშრომლებმა 23 აგვისტოს, საბაჟო გამშვებ პუნქტში “გარდაბანი”, არადეკლარირებული ვერცხლის ზოდები (საერთო წონა 3,500 გრამი) აღმოაჩინეს.
ტვირთი ბაქო-თბილისის მატარებლის ელექტრო-მექანიკოსისთვის განკუთვნილი ოთახის დათვალიერებისას, ინსტრუმენტების სათავსოში აღმოაჩინეს. საქონლის საბაჟო ღირებულებამ 4,467 ლარი შეადგინა.
„საქართველოს საგადასახადო კოდექსის“ 289-ე მუხლის მე-10 ნაწილის მიხედვით, მოქალაქეს სანქციის სახით შეეფარდა ფულადი ჯარიმა 4,467 ლარის ოდენობით.
კომენტარები