„ვინც დატოვა პაატა ბურჭულაძის პარტია, ბევრმა მათგანმა მოიმიზეზა მისი ვაშაძესთან და გირჩებთან გაერთიანება, ასე რომ, არანაირი უფლება არ გვაქვს, ეჭვი შევიტანოთ ამ მოტივში. ეს საარჩვენო წელი დაიწყო იმ განწყობილებით, რომ მოსახლეობის დიდი ნაწილისთვის მიუღებელია ნაციონალური მოძრაობა და ამავე დროს არის კრიტიკული დამოკიდებულა „ქართული ოცნების“ მიმართ, ჩვენ რომ იმედგაცრუებას ვეძახით ბოლო ხანების პოლიტიკურ პუბლიცისტიკაში და ამ ფონზე, ბუნებრივია, იყო მოლოდინი რაღაც მესამეს გამოჩენის. ამ მოლოდინის ფონზე შეიქმნა გირჩი, ვაშაძის პარტია“, – აცხადებს ექსპერტი, ფსიქოლოგი რამაზ საყვარელიძე გაზეთ „ახალი თაობისთვის“ მიცემულ ინტერვიუში, სათაურით ბურჭულაძე მესამე ძალა ვერ გახდება/ რამაზ საყვარელიძე: „ამის მიზეზი მისი ნაციონალებთან მიწებებაა.“
„მერე უცბად გამოჩნდა სრულიად ახალი სახე, რომელსაც დიდი სიყვარული და ავტორიტეტი აქვს ხალხში და ამ ახალმა ფიგურამ გადაწყვიტა პოლიტიკაში შემოსვლა. მის მხარდამჭერთა რიცხვი დასაწყისსში იყო ძალიან შთამბეჭდავი. შთამბეჭდავი იყო სწორედ იმიტომ, რომ ასეთი მოთხოვნილება იდგა ახალი და თან მესამე, ალტერნატიული ძალისა საზოგადოებაში. ეს ახალი და ალტერნატიული უნდა შეენარჩუნებინა პაატა ბურჭულაძეს. ის არ უნდა გადახრილიყო არც ნაციონალური და არც მეოცნებე პოლუსისკენ და მაშინ შეძლებდა, გაეგრძელებინა ისეთივე წარმატებით, როგორც დაიწყო. არ ვიცი, რატომ ვერ მოაერხა, ეს უკვე კულურების თემაა. პირველივე გამოსვლბში მას ჰქონდა ისეთი აქცენტები, რაც მიუთითებდა, რომ ნაციონალების მიმართ ის უფრო ლოიალურია. იმდენად მკაფიო იყო ეს აქცენტები, რომ მიხეილ მაჭავარიანმა საჯარო განცხადებაც გააკეთა, თანახმა ვართ მასთან ბლოკის შექმნაზეო, მაგრამ მაშინ ბურჭულაძე ამას არ დათანხმდა. მერე, უკვე მოგვიანებით, გარკვეულმა პროცესებმა, ეტყობა, იქონია გავლენა. არის ვესრია, რომ ასეთი პროცესები დაკავშირებულია ფინანსურ მდგომარეობასთან“, – აღნიშნავს რესპონდენტი.
„გავრცელდა ის ინფორმაციაც, რომ ვისი სპონსორობის იმედიც ჰქონდა, იმათ უღალატეს. საუბარია რუსეთში მომუშავე ბიზნესმენებზე. შესაძლოა, ეს სიმართლეა. საერთოდ თავდადება ყველა საქმეში საჭიროა და მათ შორის პოლიტიკაში. არც ეგ იქნებოდა ძნელი, თანამებრძოლებს ანაზღაურების გარეშე ემუშავათ, რომ არ გახმაურებულიყო ის ინფორმაცია, რომ თავად ბურჭულაძე ისვენებს საკმაოდ ძვირადღირებულ აგარაკებზე უცხოეთში და რაც არ ეძლევათ თანამებრძოლებს, თავის თავს ამის გამოყენების უფლებას აძლევს. გარკვეული ბზარი ამანაც გააჩინა. არა მარტო თანამებრძოლებმა უღალატეს ბურჭულაძეს, მათ რომ ჰკითხოთ, სწორედ ბურჭულაძემ უღალატა მათ. ის ვერსიაც არის, რომ სააკაშვილს უნდა, რომ ბურჭულაძე, გირჩი და ა.შ. ახალ საყრდენად გაიხადოს, რადგან ძველი სახეები აშკარად წამგებიანია. სიაშიც კი, ზედა ადგილებზე, ძველი სახეები თითქმის აღარ არის. მით უმეტეს, ეს ბლოკი ნაციონალების მიმართ კრიტიკული სულაც არაა. რომელი ვესრიაა უფრო სწორი, ძნელი სათქმელია. ახალ ბლოკს ივანიშვილისკენ წამოსვლა იდეოლოგიურად გაუჭირდება. ამის ივანიშვილისთვის მიწებება ცოტა ხელოვნურია“, – ამბობს რამაზ საყვარელიძე.
„ივანიშვილს რომც მოსწონდეს გირჩი, მან ან მთელი ჯგუფი უნდა მიიღოს, ყველასთან ითანამშრომლოს, ან არავისთან. ალბათ ეს გაერთიანება უფრო ნაციონალებისკენ გადაიხრება. დღეს სააკაშვილი ახალ სახეებს ეძებს, ის ძალიან ელასტიკური პოლიტიკოსია და სადაც ნახავს, რომ ვიღაცამ არ გაუმართლა, ადვილად ცვლის კადრებს. ეს არაერთხელ გაუკეთებია. ალბათ რულოვსის გამოყვანა იმის მცდელობაა, რომ მოსინჯოს ეს ვარიანტი, რადგან თუკი სანდრა რულოვსმა მოახერხა ხმების აღება, ისინი ვარაუდობენ, რომ სხვა ნაციონალი წამყვანი ფიგურებიც ჩაერთვებიან და იქმნება იმის პერსპექტივა, რომ ნაციონალურმა მოძრაობამ გააკონტროლოს მთელი სამეგრელოს რეგიონი. ანალოგიური პრესპექტივა ნაციონალურ მოძრაობას აქვს აჭარაშიც. იქ ბოლო ხანებში „ქართული ოცნების“ ოპოზიციები დასუსტდა და შეიძლება სწორედ ნაციონალურმა მოძრაობამ მოიკიდოს იქ ფეხი. თუ ეს ვარიანტები მოხდა, მაშინ შეიძლება რეგიონული ცენტერბი და წერტილები შექმნან და ამ რეგიონების კონტროლი გახდეს ნაციონალური მოძრაობის სტრატეგიული მიმართულება. ხოლო ამ პლაცდარმზე გამაგრებით, შექმნას საფუძველი მომავალ არჩევნებში უფრო ძლიერი ბრძოლის ფრონტის გახსნისა. ეს ვერსია მე უფრო დამაჯერებლად მიმაჩნია“, – განაგრძობს ექსპერტი.
„მე ბოლო ხანების სხვა გამოკვლევებიც მაქვს, სადაც „ქართული ოცენბა“ უსწრებს დაახლობით ორჯერ ნაციონალურ მოძრაობას. ეს უფრო რეალური სურათია, რადგან ყველა გამოკვლევაში ნაციონალურ მოძრაობას 15%-მდე აქვს. ამის იქით ნაციონალების რეიტინგი ვერ გაიზრდება. ბურჭულაძეს რაც შეეხება, მისთვის შეცდომა იყო თუ არა პოლიტიკაში შემოსვლა, ვერ გეტყვით, ქართული პოლიტიკისთვის ცუდი სამსახური გაწია, იმიტომ, რომ ყველა ანალიტიკოსი ველოდით მესამე ალტერნატივის ჩამოყალიბებას, რადგან მაგის კარგი პირობები იყო და ასეთი დისკრედიტაცია მოახდინა ამ მესამე ალტერნატივისა, როცა ფაქტიურად მიეწება ნაციონალურ მოძრაობას. ბურჭულაძის ამ ნაბიჯმა გაზარდა იმის შანსი, რომ ისევ ორპარტიული პარლამენტი გვყავდეს. ჯერ კიდევ თვენახვერია დარჩენილი და იმედი ვიქნიოთ, რომ ამ თვენახევარში პასიურები ვინც იყვნენ, გააქტიურდებიან, რადგან პოლიტიკური პარტიები ხშირად პასიურები არიან ფინანსური მოსაზრებების გამო და თუ მათ არ ჰყოფნით დასახარჯი სახსრები, ეს უნდა დაიხარჯოს ბოლო დღეებში. იმედია, ეს გააქტიურება იქნება“, – დასძენს საყვარელიძე და კითხვას – „სექტემბერი პოლიტიკურად ცხელი იქნება?“, – პასუხობს:
„აქტიური იქნება. რამდენად გააცხელებს ეს აქტიურობა სიტუაციას, არ ვიცი. თუმცა რამდენადაც უნდა გააქტიურდნენ, დიდი ნახტომის მოსწრება თვენახევარში ძნელია. სხვა პარტიები ბარიერის გადალახვის წინაშე დგანან. ისინი თუ რამდენიმე კაცს შეიყვანენ პარლამენტში, ეს რეალურ სურათს ვერ შეცვლის. ასე რომ, ბურჭულაძის მხრიდან ამ მესამე ძალის არსებობის ჩაშლა იყო ძალიან წამგებიანი ქართული პოლიტიკის განვითარებისთვის.“