ანალიტიკოსი გია აბაშიძე სოციალურ ქსელში შემდეგი სახის პოსტს აქვეყნებს:
„რა ტრაგიკომიკურია, რომ საგამოძიებო ჟურნალისტიკა, საჯარო ანალიტიკა, “ქროს-ჩექინგი”/ჯვარედინი გადამოწმება, თუ არაა რომელიმე პარტიის დაკვეთა, ატროფირებულია საქართველოში. ზოგად ინტერნეტ-სიბეცეს არ მივაპყრობდი ყურადღებას. იმედია, დროებითია ეს ყველაფერი.
საჯაროდ, არაერთხელ გირჩიეთ OpenSecrets ჯადოსნური, ამერიკაში ლობისტობის სფეროში გზამკვლევი/”ფაქტჩეკერის” შესწავლა.
გუშინ, გითხარით, რომ “ფრონტერას” ჰყავს საკუთარი ლობისტები კონგრესში, ახლა სენატშიც ჩანს, პალატის კომერციის, მეცნიერების და ტრანსპორტის კომიტეტის თავმჯდომარე, როჯერ ვიკერმა პრემიერი გახარია ჯერ კიდევ დეკემბერში შერისხა წერილობით, თანაც დაუზუსტებელი ფაქტებით. იმ საიტზე, ვიკერზეც ბლომად წერია ამერიკელი “ფაქტჩეკერების” მიერ. საინტერესოა, 2 სუბიექტს შორის მიმოწერაში, მესამე მხარეს, ანუ სამადაშვილს, საიდან აქვს წვდომა?
მე, როგორც ევროატლანტიკოსს, მაშფოთებს 1 უმთავრესი გარემოება – ამ წერილ-“დეპეშობანათი” აქ არ აიწიოს ანტიდასავლური, ანტიამერიკული განწყობები. ისიც მესმის, რომ “ქართული ოცნების” ლობისტობა უცხოეთში = 0. და ეს ბევრის ბრალია, როგორც ამჟამინდელის, ისე პასუხისმგებლობისგან გაქცეულთა ყოფილების.
თუმცა, ოქტომბერში თუ ვინ მოვა ხელისუფლებაში, ვწყვეტთ ჩვენ და არა გარე ძალები.
მშვიდობა და განვითარება საქართველოს და მმართველ გუნდს მეტი “მოხოდვა”!“, – წერს გია აბაშიძე.