“ზოგიერთებმა ან ვერ გაიგეს, ან არ გაიგეს, რას ვგულისხმობდი“- პაატა ბურჭულაძე განმარტებას აკეთებს

ზოგიერთებმა ან ვერ გაიგეს, ან არ გაიგეს, თუ რას ვგულისხმობდი, – დღეს ჩვენ საქართველოს მთავრობა გვეუბნება, რომ ჩვენ ქვეყანაში არის 500 000, ანუ ნახევარი მილიონი გაჭირვებული ადამიანი, ვისაც ეხმარება სოციალურად. ეს არ არის სწორი, – ამის შესახებ „სახელმწიფო ხალხისთვის” ლიდერი პაატა ბურჭულაძე სოციალურად დაუცველებთან დაკავშირებით მის გუშინდელი განცხადების განმრტებისას აღნიშნა.
როგორც კი მისი ძალა ხელისუფლებაში მოვა, ყველა სოციალურად დაუცველს დახმარება დაენიშნება.
„ზოგიერთებმა ან ვერ გაიგეს, ან არ გაიგეს, თუ რას ვგულისხმობდი. დღეს ჩვენ საქართველოს მთავრობა გვეუბნება, რომ ჩვენს ქვეყანაში არის 500 000, ანუ ნახევარი მილიონი გაჭირვებული ადამიანი, ვისაც ეხმარება სოციალურად. ეს არ არის სწორი. დღეს საქართველოში მინიმუმ ორჯერ მეტი უაღრესად გაჭირვებული ადამიანია. ეს არის მინიმუმი. ჩვენ გვაქვს პროგრამა, რომ ამ მილიონ ადამიანს, როგორც კი მოვალთ ხელისუფლებაში, 9 ოქტომბრის დილიდანვე დაენიშნება სოციალური დახმარება და კიდევ ვაძლევთ პირობას, რომ მათ 4 წლის განმავლობაში არ მოვუხსნით ამ დახმარებას, რათა ყველანი ფეხზე დადგნენ, იგრძნონ, რომ სახელმწიფო ეხმარება და რაც მთავარია, არ მოუხსნან მათ ეს დახმარება იმის გამო, რომ 4 წლის განმავლობაში სამსახური იშოვა, ან რაიმე დახმარება გაუწია თავის ოჯახს. გარდა ამისა, სოციალურად დაუცველთა ოჯახის ყველა წევრი იქნება დაცული როგორც უფასო მედიკამენტებით, ასევე ჯანდაცვით და სწავლა-განათლებით”, – განაცხადა ბურჭულაძემ.
დღეს სოციალური დახმარება ეძლევა 500 000 ადამიანს და ჩვენ გვაქვს გეგმა, რომ გავხდით ერთ მილიონს, – ამის შესახებ პაატა ბურჭრულაძემ გუშინ, განმუხურში განაცხადა, სადაც დასავლეთ საქართველოში მაჟორიტარობის კანდიდატები წარადგინა.