საქართველოს მთავრი პროკურორის ყოფილი მოადგილე ლაშა ნაცვლიშვილი მიიჩნევს, რომ დემურ სტურუას თვითმკვლელობის ფაქტზე გამოძიება მყისიერად დაიწყო.
როგორც ნაცვლიშვილმა დღეს გამართულ პრესკონფერენციაზე განაცხადა, წინასწარ იმის თქმა, რომ პროკურატურა და პოლიცია ვინმეს მფარველობს, სწორი არ არის.
“ვფიქრობ, საქმეზე გამოძიება დაიწყო მყისიერად. როგორც კი გავრცელდა ინფორმაცია დანაშაულის შესახებ, გამოძიება მაშინვე დაიწყო. რაც შეეხება გოდერძი თევზაძის დაკავებას, არ შეიძლება პროკურატურა მოვაქციოთ ზეწოლის ქვეშ და ვაიძულოთ, გავიდეს კანონშემოქმედებითი საქმიანობიდან. ბრალდებულსაც აქვს უფლებები”, – განაცხადა ლაშა ნაცვლიშვილმა.
პროკურატურამ შსს-ს სამტრედიის რაიონული სამმართველოს უბნის ინსპეტორ-გამომძიებელს, გოდერძი თევზაძეს სამსახურებრივი უფლებამოსილების ძალადობით გადამეტებისა და თვითმკვლელობამდე მიყვანის ფაქტზე ბრალი დაუსწრებლად წარუდგინა.
როგორც პროკურატურის გავრცელებულ განცხადებაშია ნათქვამი, გოდერძი თევზაძე თავს არიდებს გამოძიებას, შესაბამისად, თევზაძის გამოუცხადებლობის შემთხვევაში, სათანადო პროცედურების განხორციელების შემდეგ მის მიმართ გამოცხადდება ძებნა.