თბილისის საქალაქო სასამართლო ვაკეში მომხდარ მკვლელობაში ბრალდებულ ბადრი ნათობაძისთვის აღკვეთის ღონისძიების შეფარდებაზე მსჯელობს.
ბრალდებულის ადვოკატი ბადრი ნათობაძისთვის გირაოს შეფარდებას ითხოვს. პროცესს ესწრება ბრალდებულიც, რომელიც, ადვოკატის განცხადებით, ბრალდებას არ აღიარებს.
რაც შეეხება ვაკეში მომხდარი მკვლელობის ამსახველ ვიდეკადრებს, ადვოკატის თქმით, ნათობაძე ამბობს, რომ ის არ არის ამ კადრებში.
ბადრი ნათენაძეს ბრალად ედება განზრახ მკვლელობა დამამძიებელ გარემოებაში . ბრალდების მხარე მისთვის პატიმრობის შეფარდრბას ითხოვს.
მკვლელობა ვაკეში მოხდა. მოკლულია სოსო ჯოხაძე, ხოლო მასთან ერთად მყოფი კიდევ ერთი პირი მძიმედ დაიჭრა.
ოფიციალური ინფორმაციით, ბრალდებულმა მიმდინარე წლის 2 სექტემბერს, თბილისში, ვაკის რაიონში, ცეცხლსასროლი იარაღიდან გასროლით მრავლობითი ჭრილობა მიაყენა 1979 წელს დაბადებულ ს.ჯ.-ს და 1982 წელს დაბადებულ ზ.ჩ-ს. ერთი დაჭრილი ადგილზე გარდაიცვალა, ხოლო მეორე – გადაყვანილია საავადმყოფოში.