სოსო ჯოხაძის მკვლელობაში ბრალდებული ბადრი ნათობაძე აცხადებს, რომ უდანაშაულოა.
დღეს გამართულ სასამართლო პროცესზე ნათობაძემ განაცხადა, რომ ვიდეოჩანაწერებში, რომელიც გავრცელდა, ის არ არის და არც ცეცხლასასროლი იარაღი ჰქონია. ბრალდებულის განცხადებით, მისი დაკავება მოხდა “მზიურის” პარკში.
”უდანაშაულო ვარ. მეორეც, არანაირი იარაღი არ ამოუღიათ ჩემი დაკავებისას. უბრალოდ გამაჩერეს, ერთი საათი ვიყავი ტყეში და მერე გავარკვიე ყველაფერი”, – აღნიშნა დაკავებულმა. ბრალდებულმა პროცესზე მოსამართლეს ხელზე დაზიანებაც აჩვენა, რომელიც მისი მტკიცებით, დაკავებისას მიაყენეს.
ვაკეში მომხდარ მკვლელობაში ბრალდებული გირაოთი გათავისუფლებას ითხოვს და ამბობს, რომ არც მიმალვას არ აპირებს და ვერც ვერანაირად ვერ შეძლებს რაიმე სახის მტკიცებულების განადგურებას.
პროცესზე ადვოკატმა ლევან პატარქალიშვილმა დააყენა შუამდგომლობა მისი დაცვის ქვეშ მყოფისათვის 5 ათას ლარიანი გირაოს შეფარდების შესახებ, თუმცა სასამართლომ ეს შუამდგომლობა არ დააკმაყოფილა.
სხდომა 25 ოქტომბერს, 12:00 საათზე ჩაინიშნა.