იარაღის უკანონო შეძენა-შენახვასა და ნარკოტიკული საშუალების შეძენა-შენახვაში ბრალდებულ გიორგი ფეიქრიშვილს აღკვეთის ღონისძიების სახით პატიმრობა შეეფარდა. გადაწყვეტილება მოსამართლემ რამდენიმე წუთის წინ გამოაცხადა.
როგორც მოსამართლემ განმარტა, გიორგი ფეიქრიშვილის მიერ გაკეთებული განცხადება, რომ ცეცცხლსასროლი იარაღი და ნარკოტიკი ჩაუდეს, საქმეში ამ ეტაპზე არსებული მტკიცებულებებით არ დასტურდება.
გიორგი ფეიქრიშვილის სასჯელის მოხდის ვადის ათვლა მისი დაკავების მომენტიდან დაიწყო. სასამართლოს გადაწყვეტილების გასაჩივრება 48 საათიან ვადაში, სააპელაციო სასამართლოშია შესაძლებელი.
კომენტარები