რესპუბლიკელები პოლიტიკური არენიდან გაქრნენ და ამით დაისაჯნენ, – ამის შესახებ “პატრიოტთა ალიანსის” გენერალურმა მდივანმა, ირმა ინაშვილმა გადაცემა 2030-ში სტუმრობისას განაცხადა.
“შესაძლოა, ისინი საკუთარ წრესა და წიაღში აქტიურები არიან, მაგრამ ქართველი ხალხის აბსოლუტური უმრავლესობისთვის მიუღებელნი არიან. განსაკუთრებით – საგარეჯოს არჩევნების გაყალბების და ბოლო დროს გაკეთებული განცხადებების გამო, სადაც პარტიის ლიდერების ნამდვილი სახე სრულად წარმოჩნდა”, – განაცხადა ინაშვილმა.
მისი თქმით, რესპუბლიკელები მზად არიან, საკუთარი სკამისთვის ყველა და ყველაფერი გაწირონ.
“ყოველთვის ითვლებოდა, რომ ეს არის პოლიტიკაში გამოცდილ ინტელექტუალთა გაერთიანება. მე კი გეტყვით, რომ ეს არის აბსოლუტურად პრიმიტიულ ადამიანთა ერთობა, რომლებიც მზად არიან, საკუთარი სკამისთვის ყველა და ყველაფერი გაწირონ, გააყალბონ არჩევნები, ჩაიდინონ სისხლის სამართლის დანაშაული და სკამებს მიეკერონ”, – განაცხადა “პატრიოტთა ალიანსის” გენერალურმა მდივანმა.