სტოლტენბერგი – ნატოს ბევრი რამის გაკეთება შეუძლია, მაგრამ ყველაზე მეტი ხალხზეა დამოკიდებული

„ჩვენ გვწამს, რომ ადამიანებს გააჩნიათ უნარი, გაარჩიონ რა არის პროპაგანდა და რა – სიმართლე“, – ამის შესხებ ნატოს გენერალურმა მდივანმა, იენს სტოლტენბერგმა ეროვნულ ბიბლიოთეკაში, სტუდენტებთან შეხვედრისას, შესაბამისი კითხვის საპასუხოდ განაცხადა.
გენერალური მდივანი მიიჩნევს, რომ პროპაგანდის წინააღმდეგ ბრძოლის საუკეთესო იარაღი სიმართლეა.
”მესმის შეშფოთება რუსულ პროპაგანდასთან დაკავშირებით. ეს რამდენიმე ქვეყანაში ვიხილეთ. ნატოსთვის საკითხი ასე არ დგას, რომ პროგაპანდას პროპაგანდა უნდა დავუპირისპიროთ. ჩვენ გვწამს, რომ ადამიანებს გააჩნიათ უნარი, გაარჩიონ რა არის პროპაგანდა და რა – სიმართლე. ჩვენი მთავარი იარაღია სიმართლე და გვჯერა, სიმართლე გაიმარჯვებს პროპაგანდისტულ მიზნებზე. ნატოს ბევრი რამის გაკეთება შეუძლია, მაგრამ ყველაზე მეტი ხალხზეა დამოკიდებული, იგი უნდა აღუდგეს პროპაგანდას. რეალურად მწამს, რომ თვითონ ქართველებს შეუძლიათ ებრძოლონ პროპაგანდას და მე მათ ნაცვლად ამას ვერ გავაკეთებ. თავისუფალი პრესა, ციფრები, მონაცემები, არის საუკეთესო საშუალება პროგანდის წინააღმდეგ ბრძოლისთვის, იმისთის, რომ არ იყოთ მოწყვლადი პროპაგანდის მიმართ”, – განაცხადა ალიანსის გენერალურმა მდივანმა.