მთავარმა პროკურატურამ, სახალხო დამცველის წინადადების საფუძველზე, მსჯავრდებულ გიორგი ბერუაშვილის მიმართ განხორციელებული სავარაუდო არასათანადო მოპყრობის ფაქტზე გამოძიება დაიწყო.
„საქართველოს სახალხო დამცველის აპარატიდან შემოსული წინადადების საფუძველზე საქართველოს მთავარმა პროკურატურამ დაიწყო გამოძიება პენიტენციური დეპარტამენტის N6 დაწესებულებაში განთავსებული მსჯავრდებულის გიორგი ბერუაშვილის მიმართ განხორციელებული სავარაუდო არასათანადო მოპყრობის ფაქტზე, საქართველოს სისხლის სამართლის კოდექსის 144³ მუხლით (დამამცირებელი ან არაადამიანური მოპყრობა) გათვალისწინებული დანაშაულის ნიშნებით“, – ნათქვამია მთავარი პროკურატურის განცხადებაში.
კომენტარები