ბავშვი, რომელსაც მამა გმირი გონია, ღამე იღვიძებს კივილით და სვამს კითხვას – მამაჩემი მკვლელია? – ამის შესახებ დემურ სტურუას თვითმკვლელობამდე მიყვანაში ბრალდებული ყოფილი პოლიციელის, გოდერძი თევზაძის ადვოკატმა ლედი ტუკვაძემ განაცხადა.
”ბავშვი უარს ამბობს სკოლაში წასვლაზე. იმას, რაც ვრცელდება ტელევიზიით და სოციალური ქსელით, ისმენენ ბავშვის მეგობრები. კონკრეტულმა ადამიანებმა შეითავსეს მოსამართლის ფუნქციები და ყველანაირი სასამართლო გადაწყვეტილების გარეშე გოდერძი თევზაძე ცნეს დამნაშავედ, მკვლელად და ა.შ. მისი ოჯახი დაუცველია. ხომ შეიძლება ვინმე მიუვარდეს და გაუსწორდეს მას? მე მესმის დაზარალებული ოჯახის გლოვის, მწუხარების, მაგრამ ეს არ უნდა გახდეს უდანაშაულო ადამიანის დისკრიმინაციის საფუძველი. ბავშვი, რომელსაც მამა გმირი გონია, ღამე იღვიძებს კივილით და სვამს კითხვას – მამაჩემი მკვლელია? იკეტება სააბაზანოში. აქედან გამომდინარე, არსებობს უკვე სუიციდისკენ მიდრეკილების საფრთხეც”, – განაცხადა ლედი ტუკვაძემ.