საკონსტიტუციო სასამართლოს მოსამართლის, მერაბ ტურავას განცხადებით, მას საკონსტიტუციო სასამართლოს საორგანიზაციო სამსახურიდან არ მიუღია ინფორაცია, რომ დღეს „რუსთავი 2“-ის საქმეებზე გადაწყვეტილება უნდა იყოს მიღებული.
მისივე თქმით, მას აღნიშნული ინფორმაცია არც ელექტრონული ფოსტით მიუღია.
„ამ ხუთი საქმიდან ინფორმაცია, მხოლოდ 3-ზე გვქონდა, ინფორმაცია, რომ უნდა მიგვეღო გადაწყვეტილება და ბოლო ორ საქმეზე, რომელიც „რუსთავი 2“-ის საქმეს ეხება, ჩემთვის არავის მოუწოდებია. საწყენია, რომ ამ ინფორმაციას ჟურნალისტებისგან ვიგებ. მოხდება თუ არა „რუსთავი 2“-ის ორ საქმეზე გადაწყვეტილების მიღება, ეს სასამართლოს დარბაზში გახდება ცნობილი“, – განაცხადა ტურავამ.
საკონსტიტუციო სასამართლოში „რუსთავი 2“-ის შვიდი საქმეა შესული, აქედან ხუთ საქმეზე მსჯელობს პლენუმი, ხოლო ოს საქმეზე პირველი კოლეგია.
საქართველოს საკონსტიტუციო სასამართლო ტელეკომპანია „რუსთავი 2“-ის საქმეზე გადაწყვეტილებას დღეს გამოაცხადებს. ამის შესახებ ინფორმაცია საკონსტიტუციო სასამართლოს ვებგვერდზეა განთავსებული
მათივე ცნობით, გადაწყვეტილება 14-დან 15.00 საათამდე გამოცხადდება.