მოქალაქეებს 300-ლარიან ერთჯერად დახმარებაზე განაცხადები ახალ წლამდე დაუკმაყოფილდებათ,- ამის შესახებ გიორგი გახარიამ მთავრობის სხდომაზე განაცხადა.
„მოგეხსენებათ, რომ 28 ნოემბერს დაწყებული მიზნობრივი შეზღუდვების საპასუხოდ საქართველოს მთავრობამ გამოაცხადა მეოთხე ტალღა მოქალაქეების მიზნობრივი მხარდაჭერის. ერთჯერად 300-ლარიან დახმარებას ვგულისხმობ. დღეის მდგომარეობით, მიღებულია უკვე 65 ათასზე მეტი განაცხადი. 54 ათასი განაცხადი უკვე დაკმაყოფილდა და, რა თქმა უნდა, ჩვენ ახალ წლამდე ყველა განაცხადს, რომელიც მიღებული იქნება ჩვენი მოქალაქეების მხრიდან, დავაკმაყოფილებთ“, – განაცხადა პრემიერმა.
კომენტარები