ჩეხეთში „კოვიდ-19“-ის საწინააღმდეგო ვაქცინის პირველი დოზა ქვეყნის პრემიერ-მინისტრმა, ანდრეი ბაბიშმა მიიღო. ამით ჩეხეთში ვაქცინაციის პროცესი დაიწყო.
ქვეყნის პრემიერმა „ფაიზერის“ ვაქცინა გაიკეთა. ამ მომენტისთვის ქვეყნის მასშტაბით ვაქცინის 9 750 დოზაა ხელმისაწვდომი. პირველ რიგში, ვაქცინას სამედიცინო პერსონალი და მოხუცებულები მიიღებენ.
„ვაქცინა, რომელიც გუშინ ევროკავშირიდან მივიღეთ, იმედია, იმედი, რომ ნორმალურ ცხოვრებას დავუბრუნდებით“, – განაცხადა ბაბიშმა.
კომენტარები