“ქართულ ოცნებაში” პირველი ოპოზიციონერი კანდიდატების პარლამენტში გამოჩენას მიესალმებიან. მმართველ პარტიაში ამბობენ, რომ ის ადამიანები, ვინც გადაწყვეტს, რომ საკანონმდებლო საქმიანობაში მიიღონ მონაწილეობა, ისინი გარკვეულწილად, ქვეყნის დემოკრატიული განვითარებით პროცესშიც მიიღებენ მონაწილეობას. მათი თქმით, მოლაპარაკებების მე-5 რაუნდიც წინ არის და შესაბამისად, ხელისუფლება საგაზაფხულო სესიიდან სხვა ოპოზიციონერებსაც ელოდება საკანონმდებლო ორგანოში.
“დღეს ბიზნესმენს არავინ უკრძალავს პოლიტიკაში შემოსვლას და საკუთარ პარტიებსაც კი ქმნიან. ამიტომ, რა ვქნათ, იმ პარტიებს არაპოლიტიკური ვუწოდოთ? ეს ყველაფერი არის ბელეტრისტიკა. თვითონ ოპოზიციის შიგნით გამოკვეთილია აზრთა სხვადასხვაობა იმ ტაქტიკასთან დაკავშირებით, თუ როგორ უნდა მოიქცნენ ისინი საპარლამენტო არჩევნების შემდეგ – შემოვიდნენ, რა პირობით შემოვიდნენ და ა.შ.
ჩვენი ამოცანა არის ის, რომ მაქსიმალურად ღია ვიყოთ დიალოგისთვის,”– აცხადებს პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი.