ყველამ თავის საქმეს მიხედოს, თავი დამანებოს, თორემ ძალიან დიდი ინფორმაცის მატარებელი ვარ საქართველოში და წყნარად იყოს ყველა, – ამის შესახებ საპარლამენო ოპოზიციის წარმომადგენელმა ავთანდილ ენუქიძემ განაცხადა.
მისი თქმით, როდესაც „პატრიოტთა ალიანსის“ სიაში ჩაეწერა, მაშინაც მიაჩნდა, რომ პარლამენტის წევრი უნდა ყოფილიყო.
„პატრიოტთა ალიანსმა“ აჩვენა ის, რომ არავინ არ დათრგუნა და სხვა პარტიებში ყველა ერთად რომ ჩახსნეს სიები და ყველა ერთად, ასე ვთქვათ, უკან მოისროლეს, ეს არ მოხმდარა. მე როდესაც სიაში ჩავეწერე, მაშინაც ვთვლიდი, რომ ვყოფილიყავი პარლამენტის წევრი და ახლაც გავაგრძელე, ეს მე არ დამიმალია და არც არავის დაუშლია ჩვენთან ეს… ყველამ თავის საქმეს მიხედოს, თავი დამანებოს, თორემ ძალიან დიდი ინფორმაციის მატარებელი ვარ საქართველოში და წყნარად იყოს ყველა“, – განაცხადა ავთანდილ ენუქიძემ.
შეგახსენებთ, ავთანდილ ენუქიძემ, გელა მიქაძემ, ფრიდონ ინჯიამ და დავით ზილფიმიანმა „პატრიოტთა ალიანსი“ დატოვეს და საპარლამენტო მუშაობაში ჩაერთნენ.