“ამის დაშვება არავითარ შემთხვევაში არ შეიძლება და ძალიან კარგია, რომ ამერიკელებმა ეს საკუთარი თვალით ნახეს”

ამერიკულ დემოკრატიას არაფერი ემუქრება, მაგრამ ახლა უფრო ცხადად გამოჩნდება, სად არის ძალადობა და სად – დემოკრატია, – ამის შესახებ პარლამენტის საგარეო ურთიერთობათა კომიტეტის თავმჯდომარის პირველმა მოადგილემ, გიორგი ხელაშვილმა განაცხადა.

„დემოკრატიულ ქვეყნებში სახელმწიფო ინსტიტუტებზე, განსაკუთრებით – საკანონმდებლო ორგანოზე თავდასხმა ერთ-ერთი ყველაზე დიდი პოლიტიკური და არა მხოლოდ პოლიტიკური დანაშაულია. ამის დაშვება არავითარ შემთხვევაში არ შეიძლება და ძალიან კარგია, რომ ამერიკელებმა ეს საკუთარი თვალით ნახეს. რა თქმა უნდა, ამერიკულ დემოკრატიას არაფერი ემუქრება, მაგრამ ახლა უფრო ცხადად გამოჩნდება, სად არის ძალადობა და სად – დემოკრატია“, – განაცხადა ხელაშვილმა.