პარლამენტში პირველი ოპოზიციური პარტია შემოვიდა. გვაქვს მოლოდინი, რომ სხვა ოპოზიციური პარტიები საკუთარ ამომრჩეველს სცემენ პატივს და მანდატს ჯანსაღად, ოპონირების რეჟიმისთვის გამოიყენებენ, – ამის შესახებ საქართველოს პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.
მისი თქმით, ოპოზიციური პარტიები, რომლებიც შემდგომშიც შევლენ პარლამენტში, ამომრჩევლის ინტერესებს გამოხატავენ.
„საქართველოს პარლამენტში პირველი ოპოზიციური პარტია შემოვიდა. გვაქვს მოლოდინი, რომ სხვა ოპოზიციური პარტიები, რომლებიც საკუთარ ამომრჩეველს სცემენ პატივს და ის მანდატი, რომელიც მათ მათმა ამომრჩეველმა მისცა, გამოიყენებენ ჯანსაღად და რა თქმა უნდა, გამოიყენებენ, ოპონირების რეჟიმისთვის. ამიტომ, ეს ჩვეულებრივი მოვლენაა. ყველა პარტიას აქვს საკუთარი არჩევანის თავისუფლება, როგორ განვითარებას ჰპოვებს ის პოლიტიკურ ცხოვრებაში, ეს არის სრულად მათზე დამოკიდებული“, – განაცხადა ანრი ოხანაშვილმა.