პირველი და მნიშვნელოვანი რაც ბიძინა ივანიშვილმა გააკეთა, დაამთავრა კერპთაყვანისმცემლობა და მესიანიზმი საქართველოში, – ამის შესახებ POSTV-ის ეთერში რეჟისორმა გოგა ხაინდრავამ განაცხადა.
„მორჩა, ასეთი რამ ქართულ საზოგადოებაში აღარ არსებობს. უახლოეს მომავალში და ვიდრე მსოფლიოში დემოკრატიული წყობა იარსებებს, კერპთაყვანისმცემლობა და მესიანიზმი სახელმწიფო დონეზე დამთავრდა. თორემ ცალკეული სექტები დარჩება. შემოგარენში დგანან და იქ ვიღაცას მეფეს ეძახიან და ა.შ. ეგეთი ჯგუფები როგორიცაა „გირჩი“, „ნაციონალური მოძრაობა“, „ევროპული საქართველო“ უკვე დამთავრდა“, – განაცხადა გოგა ხაინდრავამ.
მისი თქმით, დამთავრდა ეპოქა, რომელმაც ქართველი ხალხის ფსიქოლოგია გადაატრიალა, შეიცვალა დამოკიდებულება სახელმწიფოსა და ხელისუფლებისადმი. „ესაა უმნიშვნელოვანესი, ამას დააფასებენ ჩვენი შვილები და შვილიშვილები. საბჭოთა წყობიდან, ყოველი შემდგომი ხელისუფლება იყო მესია. ეს ამ ეპოქაში დასრულდა. ეს ეპოქა ძალიან მნიშვნელოვანი იყო, რომელმაც საქართველო შეცვალა პოლიტიკური თვალსაზრისით“, – აღნიშნა ხაინდრავამ.
მისი თქმით, მეორე მიღწევა, რომელზეც ბიძინა ივანიშვილი ამბობდა ესაა „შუის გაკრეფა“. „მორჩა, დამთავრდა. აქეთ არის თეთრი და იქით შავი. მთელი ნაცრისფერი და ნაცარი დამთავრდა და პოლიტიკური ჭაობი მთლიანად გამოაშრო“, – განაცხადა ხაინდარავამ.