ჯო ბაიდენი პირობას დებს, რომ მისი ოჯახის წევრები სახელმწიფო საქმეებსა და საგარეო პოლიტიკაში არ ჩაერევიან. ამის შესახებ მან გამოცემა People-სთვის მიცემულ ინტერვიუში განაცხადა.
„ყველაფერი ისე იქნება, როგორც ობამა-ბაიდენის ადმინისტრაციის დროს იყო. არავინ ჩვენი ოჯახიდან არ ჩაერევა არც სახელმწიფო საქმეებში და არც საგარეო პოლიტიკაში. ჩემი ოჯახის წევრებს ამისთვის შესაბამისი თანამდებობა არ აქვთ“ , – აღნიშნა აშშ-ის 46-ე პრეზიდენტმა.
აღსანიშნავია, რომ თეთრი სახლის ყოფილი ლიდერის, დონალდ ტრამპის ქალიშვილი ივანკა და სიძე ჯერად კუშნერი პრეზიდენტის მრჩევლების პოსტს იკავებდნენ.
კომენტარები