აშშ-ის ყოფილმა პრეზიდენტმა, დონალდ ტრამპმა განაცხადა, რომ 2020 წლის საპრეზიდენტო არჩევნებში გაიმარჯვა, ხოლო არჩევნებში დაფიქსირებული დარღვევები გამოძიებული უნდა იყოს.
„ჩვენ არჩევნებში გავიმარჯვეთ. სამარცხვინო იყო ის, რაც მოხდა, სრულიად სამარცხვინო“, – აღნიშნა დონალდ ტრამპმა ტელეარხ Newsmax TV-სთან ინტერვიუში.
აშშ-ის ყოფილმა პრეზიდენტმა ხაზგასმით აღნიშნა, რომ 2016 წლის არჩევნებთან შედარებით, 2020 წელს 12 მილიონით მეტი ხმა მიიღო.
„ჩვენ არ გვინდოდა 12 მილიონით მეტი ხმა. 3 მილიონით მეტი ხმა გვჭირდებოდა და არ წავაგებდით. თუმცა, ძალიან ცუდი რამე მოხდა არჩევნებში. მესამე მსოფლიოს ქვეყნის არჩევნებს ჰგავდა. ბოლომდე უნდა გამოვიძიოთ, რა მოხდა“, – განაცხადა აშშ-ის 45-ე პრეზიდენტმა.
კომენტარები