ირაკლი ალასანია ეროვნული უშიშროების საბჭოს მდივნის ან რომელიმე სახელმწიფო თანამდებობაზე მუშაობის გაგრძელებას გამორიცხავს.
როგორც ალასანიამ „რუსთავი 2“-ს ეთერში განაცხადა, ბოლო დროს გავრცელებული ინფორმაცია, რომ შესაძლოა, უშიშროების საბჭოს მდივნად დაინიშნოს, უსაფუძვლოა.
ამასთან, როგორც ალასანიამ აღნიშნა, საქმიანობას საერთაშორისო ასპარეზე შეეცდება და გამორიცხული არ არის, მუშაობა საზღვარგარეთ გააგრძელოს.
„არ მინდა ერთი ადგილის ტკეპნა. სახელმწიფო სამსახურში მუშაობა გამორიცხულია, თუმცა ისეთ საქმეს გავაკეთებ, რომელიც აუცილებლად გამოადგება საქართველოს მომავალში, გამოადგება შერიგებისთვის აფხაზებთან, ცხინვალის მოსახლეობასთან. შეიძლება, ეს საზღვარგარეთ საქმიანობაც იყოს. მინდა, ჩემი საერთაშორისო კონტაქტები ავამოქმედო და რეალიზება გავუკეთო ამ ურთიერთობებს, არა როგორც სახელმწიფო მოხელემ, არამედ როგორც კერძო პირმა“, – განაცხადა ირაკლი ალასანიამ.
რაც შეეხებათ მის ყოფილ თანაგუნდელებს, ალასანიას თქმით, ისინი ვალდებულებებისგან გათავისუფლებული არიან და გადაწყვეტილებას თავად მიიღებენ.