“ეს არის სააკაშვილის, მერაბიშვილის, ადეიშვილის პარტია! ესენი ხელისუფლებაში არ უნდა დაბრუნდნენ!“, – აცხადებს ადვოკატთა ასოციაციის თავმჯდომარე ზაზა ხატიაშვილი ტელეკომპანია “პირველის” ეთერში:
“არასამთავრობო ორგანიზაცია მხარედ არ უნდა დაფიქსირდეს მეორე ტურის წინ ასეთი განცხადება არ უნდა გააკეთოს. ეს ჩემი აზრია. ეს დიდი შეცდომაა. მე ზაზა ხატიაშვილს ორივე ხელი რომ მომაჭრა “ნაციონალურ მოძრაობას” ხმას არ მივცემ. ადვოკატთა ასოციაციის თავმჯდომარეს შემიქმნა პრობლემები, 157 ადვოკატი დააპატიმრეს, ასეთი რამ ლუკაშენკოს არ გაუკეთებია. 10 მილიონიან ქვეყანაში 8 ადვოკატი იჯდა ციხეში და ის პერსონა ნონ-გრატად სცნეს, ჩვენთან კი 157 ადვოკატი იჯდა ციხეში! რანაირად უნდა მომეწონოს “ნაციონალური მოძრაობა”, რომელმაც ქვეყანა გაანადგურა! სისხლის გუბეები დააყენა. მე და საწყალი იური ვაზაგაშვილი კარ-კარ დავდიოდით და გარდაცვლილ ადამიანებს ვეძებდით, დახვრეტილ ადამიანებს ვეძებდით. ამ ძალას ხმა რანაირად უნდა მივცე?! ეს არის სააკაშვილის, მერაბიშვილის, ადეიშვილის პარტია! ესენი ხელისუფლებაში არ უნდა დაბრუნდნენ!”, – განაცხადა ზაზა ხატიაშვილმა.