საქართველოს მომავლისთვის მნიშვნელოვანია, რომ „ნაციონალური მოძრაობა” პარლამენტში არ იყოს წარმოდგენილი იმ რაოდენობით, რა რაოდენობასაც ეს მარგინალური ჯგუფები ითხოვენ, – ამის შესახებ უფლებადამცველმა ნანა კაკაბაძემ „რეპორტიორის” პრესკლუბში გამართულ ბრიფინგზე განაცხადა.
“რამდენიმე დღის წინ მარგინალური ჯგუფების წარმომადგენლებმა გააკეთეს განცხადება და საზოგადოებას შეფარვით მოუწოდეს, ხმა მისცენ კრიმინალებს, ხმა მისცენ გაუპატიურების პარტიას, მკვლელების ბრიგადებს და ეს ჯგუფები არაპირდაპირ ამბობდნენ, რომ მეორე ტურში ქართველმა საზოგადოებამ მხარი უნდა დაუჭიროს „ნაციონალურ მოძრაობას”, იმ სიტყვების მანიპულირებით, რომ როგორი ცუდია საკონსტიტუციო უმრავლესობა.
ეს ადამიანები მოუწოდებენ საზოგადოებას, რომ ხმა მისცენ ოპოზიციას და კარგად იცით, რომ წარმოდგენილია მხოლოდ „ნაციონალური მოძრაობა” და „ქართული ოცნება” რამდენიმე ოლქის გამოკლებით.
მათი მთავარი პრობლემა არის ის, რომ არ უნდათ „ქართულმა ოცნებამ” კონსტიტუციაში ქორწინების განსაზღვრასთან დაკავშირებით ცვლილება შეიტანოს. საქართველოს მომავლისთვის მნიშვნელოვანია, რომ „ნაციონალური მოძრაობა” პარლამენტში არ იყოს წარმოდგენილი იმ რაოდენობით, რა რაოდენობასაც ეს მარგინალური ჯგუფები ითხოვენ. იმედი მაქვს, საზოგადოება იქნება ფხიზლად ასეთი მარგინალების წინააღმდეგ”, – განაცხადა ნანა კაკაბაძემ.