“გაძლიერებული ძალისხმევით გვივრცელებდნენ სხვადასხვა ჭორებს. თუნდაც ის, რომ მე მძულს მაჰმადიანები, რომ თურმე ქართველებიც კი აღარ გვიყვარს… რაც სრული სისულელეა. მაშინ, ბონდო მძინარაშვილმა დამპატიჟა ეთერში და გავაკეთე განცხადება”, – აცხადებს “პატრიოტთა ალიანსის” ლიდერი დავით თარხან-მოურავი ტელეკომპანია “პირველის” ეთერში:
“რა არის სასირცხვილო იმაში, თუ ვიცნობ ჩემს წინაპრებს და თუ ვარ მეფეთა შთამომავალი. მას გავეცი პასუხი, როგორ შეიძლება მე არ მიყვარდეს საქარველო? ეს არის ჩვეულებრივი შავი პიარი. ამაზე მე არ ვბრაზდები. ვისაც ერთხელ მაინც უნახავს ჩემი გამოსვლა, სისულელეა ვერ ხვდებოდეს, რომ მე ვერ ვარჩევდე ერთმანეთისგან სხვადასხვა ორგანიზაციებს. ისმის კითხვები სოციალურ ქსელებში – ამას რატომ ამბობს, ჩვენ არ გვყავს წინაპრებიო? მინდა ყველას ვუპასუხო, რა თქმა უნდა, ყველას ჰყავს წინაპარი და საერთოდ, ყველას გვყავს ერთი წინაპარი. კრახით დასრულდა ეს შავი პიარი, რადგან ყველას გაახსენდა რომ თურმე ჰყავს წინაპარი და თურმე კარგი წინაპარიც ჰყავს…”, – აცხადებს თარხან-მოურავი.