„შეიძლება ითქვას, რომ სანდრა რულოვსი „ნაციონალების” დედოფალია და ამდენად მისთვის წაგება, ჩვეულებრივი წაგება არ იქნება”, – ამის შესახებ „ინტერპრესნიუსს” პოლიტოლოგმა რამაზ საყვარელიძემ არჩევნების მეორე ტურში მონაწილეობაზე უარის თქმის თაობაზე სანდრა რულოვსის მიერ მიღებული გადაწყვეტილების შეფასებისას განუცხადა.
როგორც საყვარელიძემ აღნიშნა, როდესაც „მარცხი გარდაუვალია, ამ შემთხვევაში ადამიანი შეჯიბრიდან საერთოდ გამოსვლას არჩევს”.
„სპორტში ეს აკრძალული ილეთია, მაგრამ პოლიტიკაში ასეთი რამ ხშირად გაუკეთებიათ.რულოვსს აქვს განცდა, რომ ის ჩვეულებრივი „ნაციონალი“ არაა. შეიძლება ითქვას, რომ ის„ნაციონალების“ დედოფალია და ამდენად მისთვის წაგება, ჩვეულებრივი წაგება არ იქნება.ეს უფრო იმ ტახტის წაგება იქნება, რომელზედაც „ნაციონალური მოძრაობის“ ლიდერი დამისი მეუღლე არიან. უკან დახევა თავისთავად „ნაციონალური მოძრაობისთვის“დამაზარალებელი იქნება. გავრცელდა ასეთი ჭორებიც, რომ სიაშიც აღარ იქნება.ბრძოლაზე უარის თქმამ აშკარად გაღიზიანება გამოიწვია „ნაციონალებში“. სიაში თავისინებით თუ ზეწოლით არ იქნება, არ ვიცი, მაგრამ იმ ასპარეზზედაც რომ სირთულეებიექნება, ფაქტია. ასე ცალსახადაც ვერ ვიტყვი, ე.წ. „რადიკალების“ ნაწილია რულოვსი თუპარლამენტარიზმის მომხრეების“, – აღნიშნა საყვარელიძემ.
„ნაციონალური მოძრაობის” ზუგდიდის მუნიციპალიტეტის მაჟორიტარი დეპუტატობის კანდიდატმა სანდრა რულოვსმა არჩევნების მეორე ტურში მონაწილეობაზე უარი თქვა. აღნიშნული გადაწყვეტილება რულოვსმა ზუგდიდის მუნიციპალიტეტის მაჟორიტარული ოლქის სამ უბანზე ჩატარებული ხელახალი არჩევნების დასრულების შემდეგ გააჟღერა. მის ამ გადაწყვეტილებას „ნაციონალურ მოძრაობაში” უარყოფითი შეფასება მოჰყვა. პარტიის ლიდერების აზრით, ყოფილი პირველი ლედის გადაწყვეტილება პარტიისთვის გარკვეულწილად დამაზიანებელია.
წყარო: “ინტერპრესნიუსი”