ნაძალადევის რაიონში კორპუსების მიმდებარე გზების რეაბილიტაცია გრძელდება

ნაძალადევის რაიონში, სანზონის დასახლება N4ა და N4ბ კორპუსების მიმდებარედ საგზაო ინფრასტრუქტურა მოწესრიგდა. მოეწყო ბორდიური, ტროტუარი და გზის სავალ ნაწილზე ასფალტის საფარი დაიგო. საგზაო სამუშაოები 1 070 კვ.მ. ფართობზე შესრულდა.
ბოლო ეტაპის სარეაბილიტაციო სამუშაოებს ნაძალადევის რაიონის გამგებელი ირაკლი ხელაძე თბილისის საკრებულოს მაჟორიტარ დეპუტატ ალექსანდრე ხუჯაძესთან ერთად გაეცნო. გამგებელი და დეპუტატი ადგილობრივ მცხოვრებლებსაც შეხვდნენ.
„გზის რეაბილიტაციის დაწყებამდე ამ კორპუსების წყალარინების ქსელი შევცვალეთ. 380 გრძივ მეტრზე ახალი მილები მოეწყო, ასევე, დამონტაჟდა წყალარინების 4 ჭა. შემდეგ მოვაწესრიგეთ გზის საფარი. ადგილობრივი მოსახლეობა კმაყოფილია. ამ პროექტით ინფრასტრუქტურული პრობლემები 96 ოჯახს მოუგვარდა“, – განაცხადა ირაკლი ხელაძემ.
აღნიშნულ მისამართზე განხორციელებული სარეაბილიტაციო სამუშაოებისთვის ნაძალადევის რაიონის გამგეობამ 85 000-მდე ლარი დახარჯა.