„ხელისუფლების დახმარებაა, როდესაც ჩვენ უმოკლეს დროში ზეკარის უღელტეხილით დავუკავშირდებით დასავლეთ საქართველოს და ეს ტურიზმის აღორძინების ერთ-ერთი პირობა იქნება – განაცხადა „ქართული ოცნების ადიგენის მერობის კანდიდატმა გოჩა ქიმაძემ წარდგენაზე.
მერობის კანდიდატმა მადლობა გადაუხადა მმართველ გუნდს ნდობისთვის და მუნიციპალიტეტში მიმდინარე პროექტებზე ისაუბრა.
„დიდი მადლობა „ქართულ ოცნებას“ იმისთვის, რომ ამდენ ღირსეულ ადიგენლებს შორის არჩევანი ჩემზე შეაჩერა. მზად ვარ, თქვენთან ერთად, ჩვენს გუნდთან ერთად, ვემსახურო მუნიციპალიტეტს, დაწყებული პროექტები ბოლომდე მივიყვანოთ და მზად ვიყოთ ახალი გამოწვევებისთვის. არ შემიძლია არ აღვნიშნო ხელისუფლების დიდი მხარდაჭერა. მხედველობაში მაქვს მსოფლიო დონის ჩვენი კურორტი აბასთუმანი, რომელიც სულ მალე მწვანეში ჩაფლული მარგალიტივით გამოჩნდება. ხელისუფლების დახმარებაა, როდესაც ჩვენ უმოკლეს დროში ზეკარის უღელტეხილით დავუკავშირდებით დასავლეთ საქართველოს და ეს ტურიზმის აღორძინების ერთ-ერთი პირობა იქნება. გამოწვევებიც ძალიან ბევრი გვაქვს, უამრავი საქმეა, რომელსაც გუნდთან ერთად გავაკეთებთ. ბატონო პრემიერო, ყოველთვის გვიგულეთ ადიგენლები თქვენს გვერდში. ძალიან დიდი იმედი გვაქვს თქვენი, რომ მომავალში მხარდაჭერა არ მოაკლდება რაიონს“ – განაცხადა გოჩა ქიმაძემ.
მერობის კანდიდატმა ადიგენის მუნიციპალიტეტის საკრებულოს მაჟორიტარობის კანდიდატები – ნუგზარ ქაშიბაძე, გენადი ბოლქვაძე, ელდარ კბილაშვილი, იმედა მღებრიშვილი, გაბრიელ ბალახაშვილი, ზურაბ ფეიქრიშვილი, გოჩა ჩიტორელიძე, გიორგი ქიმაძე, ჯაბა ხოზრევანიძე, თეიმურაზ მიქელაძე, ბადრი ვაშაყმაძე წარადგინა.