გერმანიის ტერიტორიაზე ჩადრის ტარება უნდა აიკრძალოს, – ამის შესახებ გერმანიის ფედერალურმა კანცლერმა ანგელა მერკელმა განაცხადა.
„ჩადრი არ არის შესაბამისი აქ, მისი ტარება უნდა აიკრძალოს ყველგან, სადაც ეს სამართლებლივად შესაძლებელია, ვინაიდან ის ჩვენ არ გვეკუთვნის“, – განაცხადა ანგელა მერკელმა.
ჩადრის ტარების აკრძალვის ინიციატივით ჯერ კიდევ აგვისტოში გერმანიის შინაგან საქმეთა მინისტრი ტომას დე მაიცირე გამოვიდა.
„ჩადრი არ ჯდება ჩვენი საზოგადოების ცხოვრების წესში, ის შეუსაბამოა კომუნიკაციისთვის, საზოგადოებაში ჩართულობისთვის. ამიტომაც ვითხოვთ, რომ სახე გამოაჩინო“, – აღნიშნა თავის დროს გერმანიის შინაგან საქმეთა მინისტრმა.
კომენტარები