იასენ პეტროვი ბულგარეთის ნაკრების მწვრთნელი აღარ იქნება, ის ამ პოსტიდან მას შემდეგ გადადგა, რაც მისმა გუნდმა საქართველოს ნაკრებთან გამანადგურებელი მარცხი განიცადა.
“მინდა მადლობა გადავუხადო იმ ხალხს, ვინც ამ შეხვედრაზე ჩვენს მხარდასაჭერად მოვიდა. ისინი არ იმსახურებდნენ, რაც დღეს ნახეს. ეს, რა თქმა უნდა, ჩემი ბოლო მატჩია, როგორც ნაკრების მწვრთნელის. ცხადია, მორალური უფლება არ მაქვს, რომ პოსტზე დავრჩე. იმედი მაქვს, ჩემი შემცვლელი შეძლებს ბიჭებს მეტი მოტივაცია მისცეს”, – განაცხადა იასენ პეტროვმა.
ინფორმაციას ბულგარეთის მედია ავრცელებს.
შეგახსენებთ, რომ საქართველოს ნაკრებმა ბულგარეთში დიდი სხვაობით 2:5 გაიმარჯვა.
კომენტარები