სამეგრელოში სტიქიის შედეგად მიყენებულ ზარალს ითვლიან.
რამდენიმედღიანმა გადაუღებელმა წვიმამ მუნიციპალიტეტებში პრობლემები შექმნა. ადიდებულმა მდინარეებმა საავტომობილო ხიდები, ნაპირსამაგრები და საკარმიდამო ნაკვეთები დატბორა. სტიქიის ერთ-ერთი ზონა ხობის მუნიციპალიტეტია, სადაც დატბორილია ათეულობით ოჯახების პირველის სართულო.
სტიქიის შედეგად დაზარალებულთა განცხადებით, განადგურებულია საყოფაცხოვრებო ნივთები, დამხრჩვალია შინაური ფრინველები და დაზიანებულია მოსავლის უმეტესი ნაწილი. მოსახლეობა დახმარებით ხელისუფლებას მიმართავს.
მთელი ღამის განმავლობაში პრობლემურ ადგილებში შესაბამისი მუნიციპალური სამსახურები მუშაობდნენ, ამჟამად გაწმენდითი სამუშაოები ხორციელდება ადგილზე მობილიზებულია შესაბამისი ტექნიკა. სტიქიის ზონებში არსებულ ვითარებას ადგილობრივი ხელისუფლების წარმომადგენლები ეცნობიან. მუშაობს სპეციალური კომისია, რომელიც მიყენებული ზარალის რაოდენობას დაადგენს.