რუსეთის საგარეო საქმეთა მინისტრმა სერგეი ლავროვმა სააგენტო Reuters-ის ოპერატორს „დებილი“ უწოდა.
ფაქტის ამსახველი ვიდეომასალა უკრაინულმა ტელეარხმა გამოაქვეყნა. ასევე, ლავროვის სიტყვები ისმის თავად Reuters-ის მასალაშიც.
გერმანიის საგარეო საქმეთა მინისტრთან ფრანკ ვალტერ შტაინმაიერთან ჰამბურგში შეხვედრისას, ლავროვმა დერეფანში ოპერატორს მიმართა – What do you want? („რა გინდათ?) და დაამატა – „დებილები“.
მედია წერს, რომ ეს პირველი შემთხვევა არაა, როცა ლავროვი ამ გამოთქმას იყენებს. 2015 წლის აგვისტოში, ერთ-ერთი პრესკონფერენციისას მიკროფონში გაისმა მის მიერ წარმოთქმული ფრაზა – „დებილები“.
კომენტარები