საბედისწერო დაბადების დღე ცხვარიჭამიაში, რომელსაც 20 წლის მირიან კუკავას სიცოცხლე ემსხვერპლა. მცხეთის პოლიციის, რაიონულ განყოფილებაში, გვიან ღამემდე 30-ზე მეტი მოწმის გამოკითხვა მიმდინარეობდა – მათი უმრავლესობა არასრულწლოვანია. ჯერჯერობით უცნობია, რა ინფორმაცია მიაწოდეს მათ სამართალდამცავებს. პოლიციის შენობიდან გამოსულებს, მედიასთან განმარტებები არ გაუკეთებიათ.
ცნობილია, რომ მომხდართან დაკავშირებით, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
“კურიერის” ინფორმაციით, ცხვარიჭამიაში მომხდარი მკვლელობის ფაქტზე, 7 ადამიანია დაკავებული. დაკავების ფაქტს გვიდასტურებენ შინაგან საქმეთა სამინისტროში.
ბრალი ჯერჯერობით არ არის დაზუსტებული, ამ დრომდე მიმდინარეობს საგამოძიებო მოქმედებები.
კომენტარები