ბათუმში ფანებს შორის ინციდენტი მოხდა – „დინამოს“ და „ლეხის“ დაპირისპირება ტრიბუნაზე და ქუჩაშიც მიმდინარეობდა

„ქართული სპორტის ქომაგების“ ცნობით, ბათუმის „დინამოსა“ და პოზნანის „ლეხის“ განმეორებითი მატჩის მატჩის დაწყებამდე, მეტოქე გუნდების ფანებს შორის ინციდენტი მოხდა.

ბათუმში „ლეხის“ 40 ფანსა და ქართველ ფანებს შორის რამდენიმე დაპირისპირება იყო. ჩხუბში ბათუმელთა მხარდამჭერები და „ქართული სპორტის ქომაგების” წევრები მონაწილეობდნენ, რომლებიც ბათუმს საქართველოს ჩემპიონის მხარადასაჭერად ესტუმრნენ.

შეტაკება მოულოდნელად დაიწყო, რაც „ლეხის“ ფანების გამაღიზიანებელმა ქცევამ გამოიწვია. პოლონელ ფანებს, ბათუმელი გულშემატკივრები და „ქომაგების“ წევრები დაუპირისპირდნენ.