ნიკოლოზ ბასილაშვილის და მისი ყოფილი მეუღლის სასამართლო სხდომა გადაიდო, მიზეზად ნეკა დოროყაშვილის ჯანმრთელობის მდგომარეობა დასახელდა. პროკურორის განცხადებით შემდეგი სხდომა დანიშნულია 13 სექტემბერს და ის დაზარალებულის დაკითხვით გაგრძელდება.
როგორც პროცესის გადადების შემდეგ დაზარალებულის ადვოკატმა ელი თავხელიძემ ჟურნალისტებს განუცხადა, დოროყაშვილს აღენიშნებოდა თავის ტკივილი და ტემპერატურა, რის გამოც პროცესზე გამოცხადება ვერ შეძლო.
„გარდა იმისა, რომ ასეთ პირობებში შეუძლებელია ადამიანმა სასამართლოში ჩვენება მისცეს, ამავდროულად არსებობს რისკი იმისა, რომ მას შეიძლება ჰქონდეს COVID 19. ვიდრე არ გამოირიცხება კოვიდი, ბუნებრივია, მანამდე ის ვერ მიიღებს მონაწილეობას სასამართლო სხდომებში. თუმცა პროცესი იმ ვადით არის გადადებული, რომ რომც დაუდასტურდეს (ახლა) კოვიდი, ის შეძლებს გამოცხადებას შემდეგ სხდომაზე და მისი მიზეზით პროცესი არ გადაიდება”, – განაცხადა თავხელიძემ.