მარნეულში, სოფელ ყიზილაჯლოში, ურთიერთშელაპარაკების ნიადაგზე მეზობელმა მეზობელი სასიკვდილოდ დაჭრა.
ადგილობრივების ინფორმაციით, გარდაცვლილია 31 წლის მამაკაცი, მას დაზიანებები ცივი იარაღით აქვს მიყენებული.
“შემთხვევა ღამის 2 საათზე მოხდა. რესტორანში დაიწყო ეს ამბავი და როგორც ვიცი, მერე ჩხუბი სახლში გააგრძელეს. მკვლელობა დანით მოხდა. თანატოლები არიან”,- აღნიშნა ერთ-ერთმა ადგილობრივმა.
მომხდარზე გამოძიება 108-ე მუხლით არის დაწყებული, რაც განზრახ მკვლელობას გულისხმობს.
კომენტარები