“ მე და ჩვენი ფონდი ვიზრუნებთ, რომ ეს პროექტი შედგეს და ბევრმა ქართველმა ნახოს კვარაცხელიას თამაში მარადონას სტადიონზე”

მე და ჩვენი ფონდი ვიზრუნებთ, რომ ეს პროექტი შედგეს და ბევრმა ქართველმა ნახოს კვარაცხელიას თამაში მარადონას სტადიონზე, – ამის შესახებ ვეტერანი ქართველი ფეხბურთელი, ინგლისური “ჰალ სიტის” მთავარი მწვრთნელი შოთა არველაძე სოციალურ ქსელში წერს:

“რაც შეიძლება მეტმა ქართველმა უნდა ნახოს ხვიჩა კვარაცხელიას თამაში მარადონას სტადიონზე – მე და ჩვენი ფონდი ვიზრუნებთ, რომ ეს პროექტი შედგეს ,” – წერს შოთა არველაძე.

 

შეგახსენებთ, ხვიჩა კვარაცხელიამ “ნაპოლის” შემადგენლობაში თამაში შესანიშნავად დაიწყო. მან გუშინ “მონცას” 2 გოლი გაუტანა, მატჩი კი ნეაპოლელების გამარჯვებით დასრულდა 4:0. სულ კი ხვიჩა კვარაცხელიას გუნდს 2 ტურის შემდეგ 6 ქულა აქვს და ცხრილის სათავეში იმყოფება, ხვიჩა კვარაცხელიას 2 მატჩში 3 გოლი და ერთი საგოლე გადაცემა დაუგროვდა.