“უკრაინის ომი კრიტიკულ ფაზაში შედის, ზამთარი მოდის და რთული იქნება”

უკრაინის ომი კრიტიკულ ფაზაში შედის, ზამთარი მოდის და რთული იქნება, – განაცხადა ნატოს გენერალურმა მდივანმა, იენს სტოლტენბერგმა.

„უკრაინის ომი კრიტიკულ ფაზაში შედის. ზამთარი მოდის და რთული იქნება. რთული იქნება უკრაინელი ხალხისა და შეიარაღებული ძალებისთვის, რომლებიც თავიანთი თავისუფლებისთვის იბრძვიან და რთული იქნება მათთვის, ვინც მათ მხარს უჭერს“, – აღნიშნა ნატოს გენერალურმა მდივანმა.

„ჩვენ ნამდვილად ვიხდით ფასს უკრაინის მხარდაჭერისთვის. თუმცა, ფასი, რომელსაც ჩვენ ვიხდით, ითვლება დოლარებში, ევროსა და გირვანქა სტერლინგში, ხოლო უკრაინელები ამ ფასს თავიანთი სიცოცხლით იხდიან. ყველა ჩვენგანი გადაიხდის ბევრად უფრო მაღალ ფასს, თუ რუსეთი და სხვა ავტორიტარული რეჟიმები დარწმუნდებიან, რომ მათ შეუძლიათ შეიჭრან მეზობელ ქვეყნებში და დაუსჯელად დაარღვიონ საერთაშორისო სამართალი. თუ რუსეთი შეწყვეტს ბრძოლას, მშვიდობა იქნება. თუ უკრაინა შეწყვეტს ბრძოლას, ის შეწყვეტს არსებობას, როგორც დამოუკიდებელი სახელმწიფო. ჩვენ გვაქვს მორალური პასუხისმგებლობა, მხარი დავუჭიროთ ამ დამოუკიდებელ დემოკრატიას“, – განაცხადა იენს სტოლტენბერგმა.