საქართველოს პროკურატურამ ბრალი წაუყენა რუსთავში სოკოს მწარმოებელი კომპანიის დირექტორის, რომლის მიმართაც მოსახლეობას წლების განმავლობაში პრეტენზიები ჰქონდათ. შპს თეთრი ქუდის დირექტორს ბრალის დამტკიცების შემთხვევაში ჯარიმის გადახდა მოუწევს ან სამ წლამდე პატიმრობას მიუსჯიან.
“შინაგან საქმეთა სამინისტროს მიერ ჩატარებული გამოძიებით დადგინდა, რომ ქალაქ რუსთავში, შპს თეთრი ქუდი ნარჩენების შესაბამისი ნებართვის გარეშე სათანადო პროცედურების დაუცველად ახორციელებდა, რაც ვრცელ ტერიტორიაზე და გარემოზე მავნე ზემოქმედებას იწვევდა. აღსანიშნავია, რომ ხსენებულ საწარმოს უკვე დადებული ჰქონდა ადმინისტრაციული სახდელი გარემოზე მავნე ზემოქმედების გამო”, – აცხადებენ პროკურატურაში.
საქმეზე გამოძიება დაწყებულია სისხლის სამართლის კოდექსის 306-ე პრიმა მუხლით (გარემოზე ზემოქმედების შეფასებისადმი დაქვემდებარებული საქმიანობის განხორციელება) წაუყენა. დაკავებულს პროკურატურის შუამდგომლობის საფუძველზე სასამართლომ აღკვეთის ღონისძიებად 7000-ლარიანი გირაო შეუფარდა.
რუსთავის მოსახლეობას სოკოს საწრმოსგან გამოწვეული სუნი წლებია აწუხებს. ამ პრობლემის მოსაგვარებლად ქალაქში აქციები არაერთხელ გაიმართა.