სახელმწიფო უსაფრთხოების სამსახურის უფროსი გრიგოლ ლილუაშვილი დაზვერვის სამსახურის თანამშრომლებს პროფესიულ დღეს ულოცავს. როგორც გრიგოლ ლილუაშვილი „ფეისბუქზე“ წერს, დაზვერვის სამსახურის მთელ პირად შემადგენლობას სახელმწიფო უსაფრთხოების სამსახურის სახელით ულოცავს პროფესიულ დღეს.
„საქართველოს სახელმწიფო უსაფრთხოების სამსახურის სახელით, დაზვერვის სამსახურის მთელ პირად შემადგენლობას გილოცავთ პროფესიულ დღეს!
მინდა, გულწრფელი პატივისცემა და მადლიერება გამოვხატო დაზვერვის სამსახურის თითოეული თანამშრომლისადმი ჩვენი ქვეყნისთვის გაწეული თავდადებული შრომის, გამოჩენილი მაღალი პასუხისმგებლობისა და პროფესიონალიზმისთვის.
გულითადად გისურვებთ მშვიდობას, ჯანმრთელობას და პროფესიულ წარმატებას ჩვენი ქვეყნის საკეთილდღეოდ“, – წერს სახელმწიფო უსაფრთხოების სამსახურის უფროსი.