„ქრონიკამ“ იმ ქონების არასრული ჩამონათვალი მოიპოვა, რომელიც გოგაშვლის ოჯახის წევრების ან ახლო გარემოცვის სახელზე ირიცხება და მიმდინარე გამოძიების ფარგლებში დაყადაღებულია.
კერძოდ, საუბარია: თბილისში არსებულ სახლებსა და ბინებზე, მიწის ნაკვეთებზე და ათზე მეტ სატრანსპორტო საშუალებაზე.
ბინები და სახლები დედაქალაქში კარგარეთელის ქუჩაზე, ლისზე და ვაზისუბანში, მიწის ნაკვეთები კი თხინვალაში, სოფელ ზაქაროში და მარტყოფში მდებარეობს. მარტყოფში მიწის გარდა, კიდევ ერთი ფართი ირიცხება, შენობა ნაგებობით.
რაც შეეხება ავტომანქანებს – ესენია : BMW X6, Chevrolet, Nissan, ორი Ford-ის მარკის ავტომანქანა; ასევე, Mitsubishi Pajero, Honda, BMW-ს მოდელის კიდევ ერთი ავტომანქანა და სამი მოტოციკლი.
ეს იმ ქონების არასრული ჩამონათვალია, რომელიც სუსის ყოფილი მაღალჩინოსნის ბრალდების საქმეების გამოძიების მიმდინარეობისას აღმოაჩინეს და დააყადაღეს.