7 წლის სირიელი გოგონა ბანა ალაბედი, რომელიც ცნობილი გახდა ალყაშემორტყმული ალეპოდან “ტვიტერში” თავისი ჩანაწერებით, ანკარაში თურქეთის პრეზიდენტს რეჯეპ ტაიპ ერდოღანს შეხვდა.
ალეპოში ინტენსიური შეტაკებების დროს, როცა ბაშარ ასადის ძალებმა და რუსულმა ავიაციამ ალეპოზე მასირებული შეტევა დაიწყეს, გოგონა შველას ითხოვდა.
ბანა ქალაქში ცხოვრებას და ყოველდღიურ მოვლენებს ინგლისურ ენაზე აღწერდა. მას ჩანაწერების გაკეთებაში დედა ეხმარებოდა, რომელიც ინგლისური ენის მასწავლებელია.
გოგონამ პრეზიდენტის სასახლეში გადაღებული ფოტოსურათები თავის ცნობილ ანგარიშზე განათავსა, რომელიც ერთ-ერთი ყველაზე პოპულარული გახდა.
ერთ-ერთი ფოტოზე ის და მისი პატარა ძმა ერდოღანის კალთაში სხედან.
ბანა ალაბედი და მისი ოჯახი თურქეთში ერდოღანის სპეციალურმა წარმოამდგენელმა ჩაიყვანა მას შემდეგ, რაც აღმოსავლეთ ალეპოდან მათი ევაკუაცია განხორციელდა.