ნატოს გენერალურმა მდივანმა, იენს სტოლტენბერგმა განაცხადა, რომ რუსეთის შეიარაღებული ძალები უკრაინაში მარცხს განიცდიან, ხოლო უკრაინული ჯარები ძლიერდებიან.
„პრეზიდენტი პუტინი ბრძოლის ველზე მარცხდება. ის პასუხობს უფრო განურჩეველი თავდასხმებით უკრაინის ქალაქებზე მშვიდობიანი მოსახლეობისა და კრიტიკული ინფრასტრუქტურის წინააღმდეგ და საშიში ბირთვული რიტორიკით. უკრაინის ჯარები ძლიერდებიან და უკეთ აღჭურვილნი არიან“, – აღნიშნა იენს სტოლტენბერგმა.
ნატოს გენერალური მდივნის თქმით, ბრძოლის ველზე უკრაინის წარმატებამ მომავალ მოლაპარაკებებში უკრაინის პოზიციები შეიძლება გააძლიეროს.
„რაც უფრო ძლიერი იქნება უკრაინა ბრძოლის ველზე, მით უფრო სავარაუდოა, რომ ჩვენ გვექნება პოლიტიკური გადაწყვეტა, რომელიც უზრუნველყოფს უკრაინის ევროპაში სუვერენულ დამოუკიდებელ სახელმწიფოდ ყოფნას“, – განაცხადა მან.