გერმანიის პრეზიდენტმა, ფრანკ-ვალტერ შტაინმაიერმა განაცხადა, რომ უკრაინაში რუსეთის ომმა ევროპის უსაფრთხოების წესრიგი ფერფლად აქცია.
„24 თებერვალს პუტინმა მხოლოდ წესები კი არ დაარღვია, არამედ თამაში დაასრულა. მან ჭადრაკის დაფა იატაკზე დააგდო!“ – აღნიშნა გერმანიის პრეზიდენტმა.
„რუსეთის პრეზიდენტმა თავისი იმპერიული შეპყრობით დაარღვია საერთაშორისო სამართალი, დაიპყრო მიწები, ეჭვქვეშ დააყენა საზღვრები. რუსეთის თავდასხმა თავდასხმაა ყველა იმ გაკვეთილზე, რომელიც მსოფლიომ ორი მსოფლიო ომის შედეგად ისწავლა“, – აღნიშნა გერმანიის პრეზიდენტმა.
შტაინმაიერის თქმით, მსოფლიოს უსაფრთხოება უარესდება, მიმდინარეობს ბრძოლა დომინირებისთვის, ჩინეთს სურს გაზარდოს თავისი ეკონომიკური და პოლიტიკური გავლენა.
კომენტარები