“ჩვენ არ ვწყვეტთ მონაწილეობას ამ ოპერაციაში, არამედ ვაჩერებთ“

რუსეთის პრეზიდენტის, ვლადიმერ პუტინის განცხადებით, მოსკოვი მარცვლეულის შეთანხმებიდან არ გასულა, თუმცა მასში მონაწილეობა შეაჩერა.

მისი თქმით, უკრაინამ უნდა უზრუნველყოს საზღვაო დერეფნის უსაფრთხოება, რომლითაც მარცვლეულის ექსპორტი ხდება.

„ჩვენ არ ვამბობთ, რომ ვწყვეტთ ამ ოპერაციაში მონაწილეობას, არა. ჩვენ ვამბობთ, რომ ვაჩერებთ. გაეროს თანამშრომლები აქტიურად მონაწილეობენ მის მუშაობაში, რისთვისაც ჩვენ მათი მადლობელი ვართ. მაშინ, ჩაატარონ მათ მუშაობა უკრაინასთან და უკრაინამ უნდა გასცეს გარანტია, რომ სამოქალაქო გემებისთვის და რუსეთის მომარაგების გემებისთვის საფრთხეები არ შეიქმნება“, – განაცხადა პუტინმა სოჭში გამართულ პრესკონფერენციაზე.

შეგახსენებთ, რომ რუსეთის თავდაცვის სამინისტრომ მარცვლეულის შეთანხმებიდან გასვლის შესახებ 29 ოქტომბერს განაცხადა. აღნიშნული გადაწყვეტილების მიზეზად რუსულმა უწყებამ სევასტოპოლში, შავი ზღვის ფლოტის გემებზე განხორციელებული „თავდასხმები“ დაასახელა.