უკრაინის საგარეო საქმეთა მინისტრმა, დმიტრო კულებამ განაცხადა, რომ არსებობს ფორმალური საფუძველი იმისა, რომ რუსეთის თავდასხმები უკრაინის სამოქალაქო ინფრასტრუქტურაზე გენოციდის ნაწილად იყოს მიჩნეული.
„რუსეთის მიზანმიმართული დარტყმები უკრაინის სამოქალაქო ინფრასტრუქტურაზე ომის დანაშაულია. მათი სისტემური ხასიათისა და რუსული პროპაგანდისა და ჩინოვნიკების თანმდევი კომენტარების გათვალისწინებით, ეს დარტყმები უნდა განიხილებოდეს უკრაინელი ხალხის გენოციდის ნაწილად. გენოციდის შესახებ კონვენციაში მკაფიოდ არის ნათქვამი: გარკვეული ჯგუფის საცხოვრებელ პირობებზე განზრახ ზემოქმედება მისი ფიზიკური განადგურების გათვლით ნაწილობრივ ან მთლიანად არის გენოციდი“, – აღნიშნა უკრაინის საგარეო უწყების ხელმძღვანელმა.
კომენტარები