ომის შემსწავლელი ინსტიტუტი (ISW) წერს, რომ რუსეთის პრეზიდენტი ვლადიმერ პუტინი, სავარაუდოდ, ქმნის პირობებს ფარული მობილიზაციის გასაგრძელებლად. ამერიკელი ექსპერტების შეფასებით, ეს იმაზე მეტყველებს, რომ ნაწილობრივი მობილიზაცია არ იყო საკმარისი უკრაინაში პუტინის მიზნების მისაღწევად.
ISW წერს, რომ პუტინის განცხადებები, წარმატებული და დასრულებული მობილიზაციის შესახებ არ შეესაბამება მისი 4 ნოემბრის განკარგულებას, რომელიც რუს ჩინოვნიკებს საშუალებას აძლევს, მოაბილიზონ მოქალაქეები, რომლებიც არიან ნასამართლევი, მათ შორის, მძიმე დანაშაულისთვის.
გარდა ამისა, ყოველდღიურ მოხსენებაში ამერიკელი ექსპერტები წერენ, რომ რუსეთის ხელისუფლება, ასევე, იმედოვნებს, რომ პუტინის მიერ ხელმოწერილ ბრძანებულებალ, რომლის მიხედვითაც მობილიზებული და კონტრაქტის მქონე სამხედრო მოსამსახურეები მიიღებენ ერთჯერად გადასახადს 195 000 რუბლს, შეუძლია, მოხალისეების სტიმულირება, თუმცა, ასეთი გადახდები ზეწოლას ახდენს რუსეთის ეკონომიკაზე და შეიძლება, გამოიწვიოს სოციალური დაძაბულობა, თუ კრემლი არ შეასრულებს თავის ფინანსურ ვალდებულებებს “სპეციალური სამხედრო ოპერაციის” მონაწილეების მიმართ.