ავღანეთის ჩრდილო-აღმოსავლეთში 5,4 მაგნიტუდის მიწისძვრა მოხდა.
აშშ-ის გეოლოგიური სამსახურის ცნობით, მიწისქვეშა ბიძგების ეპიცენტრი ჩინეთის და ტაჯიკეთის საზღვარზე, ბადახშანის პროვინციაში ჯურმის რაიონში, 103,1 კილომეტრის სიღრმეში დაფიქსირდა.
აღინიშნება, რომ ბიძგები იგრძნობოდა ბადახშანის მიმდებარე პროვინციებში, ასევე, ტაჯიკეთისა და პაკისტანის სასაზღვრო რეგიონებში.
ბადახშანის კულტურისა და ინფორმაციის დეპარტამენტის ხელმძღვანელმა, მუაზიდინ აჰმედიმ განაცხადა, რომ მსხვერპლისა და ნგრევის შესახებ ინფორმაცია, ჯერჯერობით, არ ვრცელდება.
22 ივნისს ავღანეთის აღმოსავლეთ პროვინციებში 5,9 მაგნიტუდის მიწისძვრას, დაახლოებით, 1200 ადამიანი ემსხვერპლა.
კომენტარები