ოკუპირებული ხერსონში, დე ფაქტო ადმინისტრაციის ხელმძღვანელის მოადგილე კირილ სტრემოუსოვი დაიღუპა.
გავრცელებული ვერსიით, ის ავტოსაგზაო შემთხვევას ემსხვერპლა.
რუსეთის უკრაინაში შეჭრამდე, სტრემოუსოვს აქტივისტად იცნობდნენ რომელიც ხერსონის მერის პოსტის დაკავებას ცდილობდა. მას ასევე იცნობდნენ, როგორც კორონავირუსის ვაქცინაციის მოწინააღმდეგეს.
2019 წელს მას ხერსონის ერთ-ერთი გაზეთის რედაქციაზე ცრემლსადენი აირითა და ტრავმატული იარაღით თავდასხმაში ეჭვმიტანილადაც მიიჩნევდნენ. ხერსონის ოკუპაციის შემდეგ, მის ადმინისტრაციულ ხელმძღვანელად ვლადიმირ სალდო დაასახელეს, მოადგილე კი კირილ სტრემოუსოვი გახდა.
კომენტარები